తెలుగు చిత్ర పరిశ్రమ గర్వపడదగ్గ నటులలో సూపర్ స్టార్ కృష్ణ ఒకరు. ఆయన వారసుడిగా మహేష్ బాబు సైతం తనదైన శైలిలో తెలుగు ప్రేక్షకులను అలరిస్తూనే ఉన్నారు. ఇదే కుటుంబం నుండి సిల్వర్ స్క్రీన్ పైకి ఎంట్రీ ఇచ్చిన సుధీర్ మాత్రం అంతగా రాణించలేకపోతున్నాడు. ఇదిలా ఉంచితే ఇతగాడు ఓ బాలీవుడ్ సినిమాలో నటిస్తున్న సంగతి తెలిసిందే. తెలుగు చిత్రం 'వర్షం'కి రీమేక్ తెరకెక్కిన 'బాఘి'లో సుధీర్ విలన్‌గా నటించాడు. తాజాగా ఆ సినిమాలో సుధీర్ పాత్రని పరిచయం చేస్తూ ఓ ప్రచార చిత్రం విడుదలైంది. ఇది పూర్తిగా సుధీర శరీర సౌష్టవాన్ని చూపిస్తూ కొన్ని యాక్సన్ సన్నివేశాలతో ముగిసింది. అయితే మహేష్ ఈ ప్రొమోపై స్పందిస్తూ 'సుధీర్ పట్ల గర్వంగా ఉంది' అంటూ చెప్పకొచ్చారు. అంత గర్వపడేంతలా ఇందులో ఏముందబ్బా..? గతంలో విడుదల చేసిన 'బాఘి' ట్రైలర్ కూడా కుమ్ములాటకే పరిమితమయింది. ఇవన్నీ ఎలా ఉన్నా ఈ నెల 29న 'బాఘి' సినిమా విడుదలవుతోంది. సుధీర్ సక్సెస్ బాలీవుడ్‌లో వుందేమో చూద్దాం..!
Post a Comment
Thank U For ur Comments