పావగడ/ఖమ్మం: 'సర్ధార్ గబ్బర్ సింగ్' సినిమా విడుదల సందర్భంగా పవన్ కళ్యాణ్ అభిమానులు పలుచోట్ల దౌర్జన్యాలకు దిగారు. పవన్ ఫ్యాన్స్ గొడవలో ఒక యువకుడు ప్రాణాలు కోల్పోయాడు. కర్ణాటకలోని పావగడలో అలరార్ ధియేటర్ వద్ద పవన్ కళ్యాణ్ అభిమానులు పరస్పరం ఘర్షణకు దిగారు. ఈ ఘటనలో రాజేశ్ అనే యువకుడు మృతి చెందాడు.
గతనెల 20న చిరంజీవి, పవన్ కల్యాణ్ అభిమానుల మధ్య జరిగిన గొడవ ఒకరి హత్యకు దారితీసింది. బళ్లారి నగరంలోని కౌల్‌బజార్‌కు చెందిన ఇద్దరు యువకుల్లో ఒకరు చిరంజీవి అభిమాని. మరొకరు పవన్ అభిమాని. చిరంజీవి అభిమాని 'మా అన్న మెగాస్టార్‌ను మించిన హీరో ఎవరూ లేరు'అంటూ వాగ్వాదానికి దిగాడు. దీంతో మాటా మాటా పెరిగింది. పవన్ కళ్యాణ్ అభిమానిని చిరంజీవి అభిమాని ఇనుప రాడ్‌తో కొట్టడంతో అతను అక్కడికక్కడే మృతి చెందాడు.
కాగా, ఖమ్మం జిల్లా భద్రాచలంలో ఓ వ్యక్తిపై పవన్ కల్యాణ్ అభిమానులు దాడి చేశారు. 'సర్ధార్ గబ్బర్ సింగ్' సినిమా బాలేదని అన్నందుకు ఒకరిని చితకబాదారు.
Post a Comment
Thank U For ur Comments